Arkiv

Archive for the ‘NOKIA’ Category

Nokia lancon modelin E73

Kompania Nokia ka lansuar edhe një model të ri, nga linja e saj e telefonave të mençur, E-series, e cila është mjaft e dashur për shumë përdorues. Kjo seri është pak a shumë e ngjashme me telefonat e prodhuar nga Research In Motion, e cila prodhon BlackBerry’n.

Të gjithë ata që duan të posedojnë Nokia, ndërkohë që telefoni i tyre t’i ngjajë BlackBerryt, atëherë Nokia ka lansuar modelin e ri të telefonit të mençur, të cilin e ka emërtuar E73, ngjashëm sikur modelet paraprake.

Për më shumë, dizajni i Nokia E73 i ngjan BlackBerryt dhe është i bazuar në sistemin operativ Symbian dhe mund të blihet vetëm përmes rrjetit të dyqaneve T-Mobile. Çmimi i Nokia E73 ende nuk dihet, mirëpo ajo që dihet tashmë është data e lansimit të këtij telefoni, i cili do të dal në shitje prej 16 qershorit. /Telegrafi/

Nokia lancon edhe katër modele të telefonave të lirë.

7 Qershor, 2010 2 komente

Nokia Oyj të enjten zbuloi edhe katër modele të reja të telefonave të lirë. Me këtë fokus, kompania synon të mbrojë pjesën dominuese të tregut, e posaçërisht në tregjet e reja.

Nokia kontrollon më shumë se 50 për qind të tregut të shitjeve në Indi dhe Afrikë, si dhe ka një pozicion të fortë në tregjet e tjera në zhvillim. Nokia thotë se do ta vazhdojë luftën me rivalët si Apple dhe RIM (Research In Motion), ndërsa ofertat e pakta të kompanisë e kanë ndikuar në çmimet e aksioneve në bursa gjatë muajve të fundit.

Katër modelet e reja të thjeshta të telefonave mobil, duke përjashtuar operatorët e mundur, vijnë me çmime prej 30 deri në 45 euro.

Dy telefonat e ri, duke përfshirë këtu edhe modelin e lirë prej 30 €, do të mundësojnë edhe përdorimin e dy SIM kartelave të ndryshme – duke ndihmuar për ndarjen e një telefoni në mes të anëtarëve të familjes apo miqtë. /Telegrafi/

Nokia N8 në vjeshtë

Nokia ka vërtetuar daljen e celularit të saj N8 të bazuar në sistemin operativ Symbian për këtë vjeshtë. N8 është celular i cili mbështet multi-tasking të avancuar, multi-touch, qasje në dyqanin online të aplikacioneve Ovi dhe shumë mundësi tjera.

Tani është edhe zyrtare, Nokia në panairin teknologjik “Espoo” ka bërë publike datën e paraqitjes në treg dhe çmimin e celularit të ri të saj N8, i cili me vete sjell kamerë prej 12 megapikselash, Symbian^3, dalje HDMI, 16 gigabajt të memories interne, incizim të video materialeve me definicion të larë (HD), qasje në Ovi Store dhe shfrytëzim pa pagesë të mundësive tjera të shumta nga klasa më e lartë e celularëve.

Shitja fillon në vjeshtë dhe ky celular vjen me pesë ngjyra të ndryshme. Çmimi i tij për tregun evropian është 370 euro.

N8 – Model i ri nga Nokia 12 Mpx Camera

Në internet janë paraqitur informata të reja për telefonin e radhës të mençur të Nokias – modelin N8.

Kjo pajisje do të duhej të ishte telefoni i parë i Nokias i cili do të ketë kamerë digjitale me rezolucion prej 12 megapikselash dhe do të punoj në sistemin operativ Symbian^3.

Opsionet tjera të njohura, por askund të vërtetuara, përfshijnë ekranin vëllimor 3.5 inçësh të ndjeshëm në prekje me rezolucion 360 x 640 piksela, mbështetje për HSDPA, WiFi e Bluetooth e me gjasë edhe GPS.

Ky telefon do të ketë procesor ARM, mirëpo nuk dihet për cilin model dhe me çfarë takti pune, ani pse flitet për atë prej 1 GHz.

Kamera digjitale, veç rezolucionit të madh, do të duhej të incizojë video materiale me rezolucion 720p të cilat me anë të daljes HDMI dhe kabllove do të mund të paraqitej edhe ekranet televizive.

Së shpejti priten edhe të dhënat zyrtare nga Nokia, derisa N8 do të mund të paraqitej vetëm në tremujorin e fundit të këtij viti.

Nokia blen kompaninë Novarra

Nokia ka njoftuar se do të blej kompaninë amerikane Novarra e cila është e specializuar për prodhimin e shfletuesve dhe shërbimeve përkatëse mobile të internetit.

Me këtë hap Nokia planifikon që të përmirësojë mënyrën e shfletimit të internetit në celularët e saj, e zgjidhjet e kompanisë të blera nga kompania Novarra planifikon t’i integrojë në pajisjet e saj gjatë pjesës së dytë të këtij viti. Pritet që blerja zyrtare do të kryhet gjatë tremujorit të dytë të këtij viti.

Në të ardhmen, ndërlidhja e një miliard njerëzve në internet do të bëhet me anë të pajisjeve mobile. Në pajtim me këtë, ofrimi i mënyrave më të “lehtësuara” për përdoruesit është një prej prioriteteve në Nokia, kanë deklaruar përfaqësuesit e kompanisë.

Ovi Maps shenon mbi një milion shkarkime brenda javës.

Tabori i gjigantit finlandez Nokia ka raportuar se prej paraqitjes së navigacionit pa pagesë për pajisjet e kësaj kompanie Ovi Maps është shkarkuar 1.4 milionë herë, gjersa kufiri prej një milion është thyer brenda vetëm një jave.

Suksesi i versionit pa pagesë të navigacionit Ovi Maps është pjesë e strategjisë së Nokia për etablim në tregun mobil, navigacionit dhe shërbimeve lokale, e si po qëndrojnë hesapet, mirë po ju ecën.

Sa u përket shteteve të veçanta, Nokia thekson se deri më 31 janar aplikacionin e kanë shkarkuar më së shumti përdorues nga Kina, Italia, Britania e Madhe, Gjermania dhe Spanja, derisa më së shumti është shkarkuar në pajisjet Nokia 5800 XpressMusic, Nokia N97 mini, Nokia N97, Nokia 5230 dhe Nokia E72.

Ovi Maps mund të gjendet në mbi 180 shtete, përderisa me navigacion rrugor janë mbuluar 74 shtete dhe atë në 46 gjuhë të ndryshme.

Nokia X6 vjen me 16 gigabajt memorie

28 Janar, 2010 1 koment

Nokia ka paraqitur telefonin celular X6 me 16 gigabajt memorie si alternativë më të përballueshme të modelit me 32 gigabajt.

Nokia X6 është paralajmëruar qysh në muajin shtator të vitit të kaluar. Prodhuesi e ka paramenduar këtë telefon si pajisje multimediale për përdoruesit të cilët nuk duan të heqin dorë nga koleksioni i tyre video e audio derisa janë në lëvizje. Atëbotë ishte paralajmëruar pajisja me 32 gigabajt edhe ekran të diagonales 3.2 inç i ndjeshëm në prekje.

Pak para se të lëshonte modelin X6 në tregun evropian Nokia ka vendosur të ofrojë edhe modelin me 16 gigabajt memorie i cili do të duhej të jetë më i përballueshëm nga çmimi sesa ai që ishte paralajmëruar fillimisht.

Specifikat tjera të telefonit janë identike: Fotoaparat prej 5 megapiksela me thjerrëz dhe blic të Carl-Zeiss, A-GPS, busollë e integruar dhe Nokia Maps, konektor microUSB, WLAN, Bluetooth 2.0 dhe bartje të dhënave me anë të protokollit HSDPA.

Nuk mund të vërejmë se Nokia i ka pajisur celularët e vet X6 në të njëjtën mënyrë si edhe Apple që ka bërë me pajisjet e veta iPhone 3GS. X6 e as iPhone nuk e kanë mundësinë e zgjerimit të memories me kartela që nuk na çudit ky fakt për Apple, por është bukur e pazakontë për Nokian.

Ndiqe

Merreni çdo postim të ri drejt e te email-et tuaja.